اتخنقت من الناس على الفيس بوك
مش عايز تقعد فى مكان حد يناكفك مناكفه منتظمه ويطاردك؟
هاقولك على مكان هتجيب منه احدث الاخبار
مش عايز تقعد فى مكان حد يناكفك مناكفه منتظمه ويطاردك؟
هاقولك على مكان هتجيب منه احدث الاخبار
واحدث الشتيمه
هتسمع الفاظ تشيب الشعر وبعد يومين من كتر ما هتسمعها هتحسن كأنك بتسمع شعرلجويده
(خاصية التعود)
(خاصية التعود)
عليك بتويتر يا محترم
بصراحه اتخنقت من الناس او بعضهم على تويتر مش عارفه ايه شبه الاجماع على سب أى شئ إسلامى كأنهم مش مسلمين
يعنى مشفتش حد من النصارى بيشتم
والغريب محدش من دول بيعلق على أى تصرف بيحصل من النصارى
فى إيه
ليه الاسلام مستباح
من الآخر ايها المحبين لسب الاسلام لن تكون لكم مصر
لان مصر شعب مسلم متدين ..وانتم قله قليله
ويللى بتتجرأ على أى شئ إسلامى روحوا اتجرأوا على اى شئ من الاسماء الجديده (محدش يسألنى ايه هى)
حاجه تقرف بجد ...وشئ مقزز
كام يوم يستلموا الإخوان ...وتريقه وهشتاج ونقعد نسمع حقاره ودناءه من الالفاظ
يومين ويستلموا السلفيين ... زى الاخوان وأكتر
شويه الصوفيين
بعدها ...الشيخ الفلانى..والشيخ العلانى
غير الاسلوب الهجومى لو حاجه مش عاجباهم
على أى حد بقى
على أى حد بقى
اللى عايز يبقى عنده فلوورز كتيير...اديها شتيمه فى الاسلام ودافع عن العلمانيه المحضه العلمانيه الملحده
او دافع عن الليبراليه (اللى تهاجم الاسلام) اما ليبرالى يتقبل نقد أى فكر او فكره نفسه او حتى ديانته لو مسيحى
انسى
انا اصلا بحتر فكرة اننا نحترم الآخرين (ليبراليه اهو)
لكن اول ما مسلم يختلف ياخد على دماغه تريقه وكلام فعلا" وقح ومقزز
انا اصلا بحتر فكرة اننا نحترم الآخرين (ليبراليه اهو)
لكن اول ما مسلم يختلف ياخد على دماغه تريقه وكلام فعلا" وقح ومقزز
بصراحه تويتر أكتر مكان تسمع فيه شتائم يالهوتى بجد مش يا للهول لالالالالالالا
على رأى يوسف وهبى رطنت بالبلدى بنت سلطح بابا
اشتم بكل الالفاظ اللى تتخيلها لدرجة مرة بسال زوجى على كلمه...سمعتها كتيير هناك اتخض وقالى :إيه الكلام السافل ده سمعتيه فين؟ ..قلت له من تويتر
كمان بعض البنات بتشتم بالفاظ غير مقبوله ابدا
ليه كده ..فين الأدب والاخلاق
فى ايه هو الشاب الرائع الكول لازم يكون اع ابيح
اخص على كده
رغم كده تويتر حبيبى ومش هيعلمنى قلة الادب
اصلى واخده مضاده
قرآنى الحمد لله بيحمينى
رغم كده تويتر حبيبى ومش هيعلمنى قلة الادب
اصلى واخده مضاده
قرآنى الحمد لله بيحمينى
20 شارك برأيه:
مشكلة فعلا ... والمشكلة الاكبر ... انك تلاقى الهجوم حاليا على كل ما هو اسلامى فى كل وسائل الاعلام المسموعة والمرئية والمقروءة وبكل جهالة ورجعية وتخلف .
اعرف ان قمة الليبرالية ... أنت حر ما لم تضر - هناك تحفظات كثير على الجملة - فلماذا تمنحها لنفسك وتحجر على الاخرين ... فى حريتهم فيما يعتقدون .
لن اطيل عليكى
تحياتى
وتقبلى مرورى
حضرتك وحشانى قوى ونفسى اتكلم معاكى كتير
انا لغاية دلقوتى مش عارفة ايه تويتر وازاى اتعامل معه
بالنسبة للفيس بوك انا بتعامل معاه كوسيلة معلوماتية مش اكتر ومش حابه اتعرف على حد من خلالة اللى باستغربة من الفيس بوك ان حياتنا الشخصية وادق تفاصيلها على المشاع
فيه حاجة اسمها ماسنجر وايميل ممكن نتكلم فىيه فى خصوصيتنا مع اصدقائنا اهل الثقة مش على الملاء كدة جميل انك تتضفيلى معلومة او خبر يفيدنى ماذا ساستفيد لو علمت ان فلانة تحب فلان وتبث له مشاعرها على الملاء
اسال الله لنا الهداية جميعا وان يبصرنا بيعيوبنا
مش عارف أنا مش مرتاح في التوتير ،
الفيس اكثر راحة ليا .
عموما في هجوم حاليا علي الاسلامين وليس الاسلام بسبب أن حاليا الاخوان ليهم نصيب
اكبر في الحياة السياسية
بس مع كدا لازم نعترف
بغباء بعض الشيوخ - رغم احترامي لبعضهم - في مناقشة القضايا أو تصريحات ملهمش فيها وملهاش لازمه يعني مثلا .
وبالنسبة ليا أفضل واحد حاليا في السلفيين الشيخ محمد حسان والشيخ وجدي غنيم والازهر الشيخ الطيب وان كنت بلومه في بعض مواقفه والشباب زي الداعية معز مسعود .
انا رايي اننا منحجرش فكرنا علي حد .. بس لازم يكون في طرق للتواصل مع الأمة لاتحاد الكلمة . وربنا يهدي كل عاصي ويرضي عن كل طائع
من يسب ويلعن ويشتم هم أهل الباطل
ودائماً أهل الباطل لايحاربون إلا الحق لأنهم يخشونه......
معك حق. تويتر مثل المقهى. فيه كل العينات.
تدوينة ممتازة.
الغنية برضاها أم البنات
وحشتيني جدا يارب تكوني والأسرة بخير
بالنسبة لموضوع البوست للأسف كثير بيعتقدوا ان من الحرية ان تقول ماشئت دون تحفظ وأن تفعل ماشئت دون الحفاظ علي مشاعر الأخريين وانا أقول لهؤلاء إن لم تستحي إفعل ماشئت
إن التعرض للأديان ورموزها قلة آدب وعدم تربية ربنا يرحمنا
حضرتك طيل على وخد راحتك انا مفقوعه مرارتى من الهجوم الغير مبرر واللى ملوش معنى غير اننا لسه مش حاسين بقيمة الاسلام
البهوات إللى بيحاربوا الإسلام شهداء الثورة لولا انهم مسلمين ويثقون فى قيمة الشهاده كانوا قعدوا فى بيوتهم..يوم 32 فبراير كانوا روحوا استخبوا
الليبراليه قصه غريبه تمنح نفسها حق وتمنعه عن الآخرين ولكن
بس ربنا قال فى كتابه العزيز
وَاللَّهُ غَالِبٌ عَلَىٰ أَمْرِهِ وَلَٰكِنَّ أَكْثَرَ النَّاسِ لَا يَعْلَمُونَ (21) (يوسف)
اهلا بحضرتك
رفقه يا حبيبة قلبى
انت وحشانى أكتر وهنتكلم ان شاء الله علشان انا مقصره جدا والسكايب كان فاصل عندى وعايزة ارجع تانى للمراجعه معاكم
الفيس بوك مشكلته انك بتدخلى فى حوارات بايخه وممكن تخسى ناس بتحبيهم ومش كل الناس عندها قدرة على ضبط النفس ..بس بصراحه مفيوهش كم الشايم إللى فى التويتر
التويتر موقع بتكتبى فيه جمله من 140 حرف ..وبتعرفى اخبار الدنيا من خلاله موقع رائع بس الشتيمه ومهاجمة الاسلام اسوأ شئ..لا ودلوقت لو حد دخله بيتريقوا ويقولوا التيتر اتملى..زمان مكنش فى حد عنده فولوورز كتيير يشمشم
المهم انا متابعه بعضهم لما بلاقيه غير مناسب بحذفه وخلاص وناس كتتير بتحذفنى برضوا
مفيهوش وجع قلب الفيس بوك
بس بينى وبينك ميزة تويتر ميمنعكيش عن التدوين
وحشتينى يا جميله
السلام عليكم
كل علاقتي بتويتر إنها بتعرض لينك التدوينات بتاعتي على صفحتي هناك فقط لا غير
:)
ولا من شاف ولا من دري
ولا بأقرا تويتات ولا يحزنون
الوقت مش سايع كل التكنولوجيا دي كلها لا الأبيحة ولا المؤدبة
الليبرالية في مصر بالأخص والدول العربية إنك تكون أبيح وكل ما زادت أباحتك كل ما كنت ليبرالي آخر حاجة
هو ده اللي فهموه من الليبرالية ( أغلبيتهم يعني)
فخمتو يا خواجة ؟
:)
ونصيحة بلاش تحومي حول الحمى
وابعدي قد ما تقدري ومتقوليش قرآني حاميني سماعك للشتائم دي في حد ذاته غلط ومنهي عنها بالقرآن
قال تعالى في سورة النساء:
وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللّهِ يُكَفَرُ بِهَا وَيُسْتَهْزَأُ بِهَا فَلاَ تَقْعُدُواْ مَعَهُمْ حَتَّى يَخُوضُواْ فِي حَدِيثٍ غَيْرِهِ إِنَّكُمْ إِذًا مِّثْلُهُمْ إِنَّ اللّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعًا (140)
صدق الله العظيم
سلام يا بيرو يا حبيبتي ..المشكلة في اللي بيشتم مش انهم بس من غير دين الاسلام للاسف منهم محسوبين على الاسلام الله يستر بس الموضة ان الناس تبقى علمانية وتعلن ده بكل فخر وده من ضمن التقليد الاعمى للغرب للاسف بس ده فعلا تخلف والله المستعان وبعدين ماتحرقيش دمك بس ده من اكبر علامات قرب القيامة ان الماسك على دينه كانه ماسك جمرة من نار الله يحسن ختامنا
اه اه من تويتر الواحد فهم فيه يعني ايه علمانيين ويساريين و اشي ديمقراطي واشي تكنوقراطي بس اللغة الرائجة فعلا هي الشتايم وبصورة فجة ...بس هو الموقع الوحيد اللي قام بالثورة رغم ما كان به من شائعات ....ربي يهدي آل التويتر يارب
ثقافة الهزيمة .. العتبة الخضراء
و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار.
و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير. ..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!!
باقى المقال ضمن مقالات ثقافة الهزيمة بالرابط التالى www.ouregypt.us
تعرف يا سيادة الرئيس لو الاسلاميين اختارو حد يتحدث بالنيابه عنهم للإعلام ويكون حد فاهم ويعرف يتحاور ويناقش مش يزعق ويتخانق بيتهيألى هيكون ده افضل علاج لعدم قدرتهم على الحوار بشكل لا يضر الإسلام
التويتر احسن شئ فيه انك ممكن تقرأ ولا تتواصل..الفيس بوك بيوطد العلاقات الاجتماعيه النقاشات بيبقى لازم فيها ترد ولا هتبقى مش بتهتم باللى بيتكلم معاك تويتر زى اللى بيكلم نفسه
جرب ترتاح من الفيس بالتويتر بس بشرط
سد ودانك
نورت
أخى محمد الجرايحى
صحيح الحق يسب دائما لانه ينصر الانسان ايان كان
وبعضهم لايريد إلا نصر بعضهم
الآ إن الحق دائم بدوام ملك الله
دكتوره سونت الجميله
اه والله مقهى به كل العينات ولذا استمر لان بعضهم استفيد منه جدا
تسلمى على التشجيع
اختى الحبيبه وفاء
وحشتينى وأنا مقصره معاك
وتسلمى يارب يارب كلامك طيب ورقيق ربنا يسعدك
كل كلامك صحيح فعلا قلة أدب ولكن اصبحت مقترنه بالتمدن وانك تكونى واو وحد مطأطأ ومصحصح
بصراحه شئ مزعج جدا وانا بشوف ناس كتيير روعه روعه ومش بيشتموا خالص
نورتينى يا حبيبتى
اهلا بحبيتى صاحبة السيف
ماجده ياجميله انا لا احوم حول الحمى لانى كبيرة ومفيش حوارات وصعب بعد عمرى ده اشتم الالفاظ إللى اصلا مش فهماها
ولكن هناك بتستفيدى فعلا وبتعرفى معلومات هايله
والانسحاب اسهل شئ
تعالى بقى انا عامله لك فلوو وانت لاء .؟ اتفضلى اعملى لى
بخصوص الشتيمه والليبراليه معظمهم اعرف بعضهم آيه فى الادب ولكن بعضهم عدى 1%
عموما لو دخلتيه شويه هشوفى وتسمعى اللى مش على الفيس
وبحبك وانت بتدخلى بالسيف بتاعك طاخ طاخ طاخ
متحرمش منك ابدا ولا من سيفك يا جميله
منوله يا حبيبة قلبى فرحانه انى شفتك هنا كمان يااااه يا مونى
سبحان الله دائما اللقا نصيب وسعيده جدا انى اشوف اسمك هنا
كل كلمة قلتها صحيحه وربنا يلطف بينا
والله انا حبيت اخليها تدوينه خفيفه لكن لو كتبت بذمه بجد هنتقهر كلنا من اللى بيحصل هناك وفى كل مكان يهاجم فيه الاسلام
نورتينى يا قمرايه
نو يا قمر
ايوة صح الموقع اللى اشعل الثورة وكان الثوار بيتواصلوا من خلاله
بس كلامك صح عرفنا المعانى من هناك
بس عرفنا شتايم مش عارفين معانيها..ولما اسأل يعنى ايه زوجى يحمر عنيه
خلاص بلاش
نورتينى يا ست الكل
ثقافة الهزيمه
آن الاون بقى نخليها ثقافة الانتصار
حاضر هاروح اقرأ باقى المقال
بس هو انتم متعرفوش ان مصر حتة أرض ورثها مبارك وكان بيتصرف فيها براحته
وبعدين طلع له شركاء ..بيحاولوا يلملموا اللى فاضل
ويارب يعرفوا
إرسال تعليق